Chi cosa è l’ amuri?

Chi cosa è l’ amuri?

Si mu dumanni, un tu sacciu diri.

Cuomu puozzu fari?

Puru cu milli paruoli nun puoi capiri.

Nun fa scrusicu,

nun fa rumuri,

ma nto mpiettu

puorta caluri.

Eni na vampa

sempre addumata

na vota babba

na vota nfuriata.

Pigghia a cinniri

e cumincia a ciusciari,

l’ amuri è sutta

un si pò astutari.

Po chiuoviri acqua

tirari vientu

iddu sempri batti

cuorpa nto piettu.

L’ amuri vieru

nun jetta vuci,

nun è diri sulu

” quantu mi piaci”

Eni vigghiari quannu fa scuru,

surura e lacrime a stricasali,

pinsieri e pinsieri rintra la tiesta,

stanchizza nta l’anima e dintra l’ uossa.

Eni turmientu e vuccati amari,

nuttati a priari nta nu spitali,

ciuri cugghiuti e mai regalati,

lettiri scritti e mai cunsignati.

L’ amuri è liggi

ma senza galiera,

ti tieni sempri

rintra a braciera.

E mai si saziu

e mai è abbastanza,

l’ amuri è la manu

ri la pruvvirienza.

Pino Mignano – 14 febbraio 2021