Pigghia anticchia ri suli

e ri ncielu puortalu nta sta tierra.

Cuogghi un ciuri ri gersominu

e senti chi ciavuru.

Vivi un bicchieri r’ acqua frisca

mentre u cavuru ti squagghia l’ arma.

Cummuogghiati cu na cupierta

quannu u friddu ti trasi nta l’ uossa.

Porta na manu ‘nto cuori

e sienti cuomu batti.

Respira, respira l’ aria

‘nca ti trasi nte purmuna..

Ora chiui l’ uocchi

e dimmi a prima paruola

‘nca ti vieni mmienti.

Mamma…

Pino Mignano – 08 maggio 2021

www.pinomignano.com